بسم الله الرحمن الرحيم
" تبسمك في وجه أخيك..صدقة"...صدق رسول الله صلى الله عليه و سلم
======
مجرد ساعات تفصلني عن السفر............ المطار..قاعة المسافرين....و الطائرة..
من شهر بالضبط خطت قدمي على أرض وطني..
من شهر كنت بموووووت عشان أرجع..
و اليوم ...أودّع...
المشاعر "منضبطة" و "تحت السيطرة" و لله الحمد...
السفر كأنه جاء مفاجئ!!!
بعض اخواني فعلا تفاجؤا لما سلمت عليهم و أنا أقولهم" ترا أنا بكره مسافر"
و حتى بالنسبة لي...
يمكن لأن ماعندي تجهيزات..ف مش مهتم اني اعد نفسي و أرتب اغراضي
و " جك بم" إلا يوم السفر يتنحنح عند الباب :)
كنت راد بشنطه كبيره..عشان الأغراض اللي هلي طالبينها..
و رايح بها لأني راح احتاجها و أنا راجع شهر 5 بالسلامة مع " الشهادة الكبيره" ان شاء الله..
عاد برجعها شبه فاضية هههههه
مضحكني هالوضع...
=======
طبعا مخططاتي لم تتحقق بالكامل>>> تذكرونها؟!
التصوير >>>> اوكي
الكتاب >>>> للحين أقراه...و الله أعلم متى أنهيه
لغة الإشاره >>>> لأ...و ألف لا..و بسوي "اكس" على المركز الاجتماعي الثقافي للصم و البكم ( اشلون اقدر اسوي وجه معصب بحروف الكي بورد)
=====
أمس كنت أنا و 3 من ربعي نتمشى ف سوق واقف..
و أبدا مو حاطين بالنا...
إلا بينا و بين ناس مجتمعة مسافة مترين..
شفنا...إلا بنت عربية مغمى عليها...
و واحد ماسكها..." نور....نور" و يحاول يوعيها...
حواليهم يمكن 15 شخص...
ما في حد تحرك و أتصل 999!!!!!
أسألهم: اتصلتوا؟؟؟ ...............إلا واحد يقولي: اتصل..اتصل...هذولي ما منهم فايده
كلمتهم... >>> أول مره اتصل :)
و المكالمة خذت لها دقيقة..سكّرت...
و اللي ماسكها للحين يعطيها "طراقات" يبي يصحيها...
واحد مد لي جريدة مطوية عشان نهوي عليها...
و احد يقول شممها بصل!!!
واحد يقول شيلوها عن الدرب!!!
و رفيجتها تقول لها.." خلاص نور...يا الله قومي" !!!!!!!!!!!!!
عاد أنا أبي اسوي فيها بطل... خاصة ان الفرصة جات لأجرب و أمارس العشق الأزلي..." الطب"
مسكت يدها..الحمدلله في نبض...
أقولهم لا ترفعونها..خلوها ممددة بما أنها لسّه ما صحت...
لكن لا حياة لمن تنادي...
وقّفوها...قعدوها ع الكرسي...و هي للحين مغيبة..فاقده الوعي...
يعطونها ماي و يقولوا لها " اشربي"!!!!!
يا اخي مغمى عليها...و لسه ما وعت...تشرب ماي اشلووووووووون؟؟؟
هل كيف؟!؟!؟!
أقول لرفيجتها امسحي على وجهها بالماي...ما ادري اسمعتني...ما اسمعتني..
المهم انها ما دارت لي بالي...
أخذت الماي من عندها...بللت يدي....و مسحت بيدي على وجه البنت....>>>> لا احد يفهم غلط...
و الحمدلله وعت...
و مره ثانيه ما اسمعوا كلامي...و بمجرد ما وعت..قوّموها و دخلوها داخل المطعم...
و جا الاسعاف خلال مممم 10 دقايق...
زيييييييييييين
أنا الحين ليش اقولكم السالفة....
لأن:
1- ما قلت لخواتي للحين...و لا راح اقولهم عشان ما تجيني "زقرة" = "غيظة" = "زفّه" = "تهزيئة"
لأني مسحت على وجهها...
لما أفكر...أقول و أنا ليش ما قلت حق اللي يعطيها طراقات يمسح عليها...
لكن السبب هو:
2- حشرة الناس...و العدد الزايد...و الأصوات..و كل واحد يفتي من صوب..و يأمر من صوب..
لكن...ما أحد يتخذ القرار و يسوي " الفعل"
ف كان لازم حد step up
و يتصرف...
و بما إني انا مو من هالنوعية...
مستانس لأني هالمرة انا اللي قمت ببعض التصرفات..
3- لازم لما نمر بهالحالة...نرتب أنفسنا قبل...و ما نخجل بأننا نأمر الناس أو نرتبهم في سبيل صحة الحالة المرضية...
و لو ماكان لنا دور..ما في داعي نعيق اللي قاعد يشتغل..
>> بط جبدي اللي قال " وخروها عن الدرب"
>> ضحكني اللي قال " شممها بصل"
التصرف المثالي: ( و يارييت أطباء المدونات يصححون لنا)
1- نتصل بالإسعاف...فورا...
2- نتأكد من نبض و تنفس فاقد الوعي
3- نخلي المصاب مكانه...و نحط ( نضع ) تحت الرأس شي ك وسادة
4- نحاول نوعي الشخص بمناداته او هزّه بخفّه..أو " طراقات" خفيفه
5- اذا ما قام.." ما نشربه ماي"... ممكن "نشممه بصل"...و ياريت لما نوصل هالنقطة نكون already وقفنا طراقات.....
ممكن نمسح على وجهه بماء...و ان شاء الله بيقوم..و يفضل ان ما نأكله او نشربه شي
اذا قام...نخليه ممد..عشان يستعيد توازنه و يستوعب ايش صار..
نسأله اذا يقدر يقوم...اذا جاوب بنعم...نخليه يجلس ع الارض بشويش..
بعدها نسأله يقدر يوقف...اذا جاوب بنعم...نمسكه و نسنده لحد ما يستريح ف مكان مناسب
ممكن بعد نسأله " شو هو اليوم؟ او تاريخ اليوم؟" للتأكد من انه بوعيه و بذاكرته
6- اذا ما قام...مافي داعي نحركه...نتأكد من ان مجرى التنفس مفتوح...نخليه على جنب لو كان يرجّع و يستفرغ ( اجلكم الله )
و ننطر الاسعاف..
و ان شاء الله ما من شر...
انصحكم بأن تدورون ع النت عن الاسعافات الاوليه في الحالات المختلفة عشان تكونون مستعدين
في حالة - لا سمح الله- احتجتوا
اشوفكم ان شاء الله لما اوصل شقتي المصون
و بدعي لكم جميعا ان شاء الله...
و اسمحوا لنا ان كنا قصرنا او غلطنا في حق أحدكم....ترا بدون قصد
و لا تنسونا من صالح دعائكم
:)
راشد
19 نثروا جنونهم:
ها راشد
مشروع روميو وجولييت ؟ p;
لا امزح , زين تسوي يتراوالي
لو عندنا يصير جي بنصير طماشه ومحد بينقذنا
فن الشعب يرتكز بالطماشه :)
توصل بالسلامه , وعؤبال ما نشوفك
دختر راشد بالتوفيق
توصل بالسلامة ان شاء الله
وعجبنى انك عملت علامة يساوى بجوار كلمة"زقرة" ب3 كلمات لانى بجد مكنتش عارفة معناها وعرفتها اخيرا بالكلمة التالتة:)
جميل اقدامك على المساعدة
وعجبتنى النصايح جدا
بس اول مرة اعرف انك بتدرس طب
عموما بالتوفيق ان شاء الله
توصل بالسلامة ان شاء الله
والله يوفقك ويسهل درب قول امين
تحياتي لك
راشد ..مسحت ويها :×
واخزيااااااااااااه
ماراح اقدر اعلق
:S
عموما صباح الخير
************
لا لا لا
.
.
.
اتغشمر :)
صبحك الله بالخير ...
اصلا زين سويت على الاقل فهمتهم الصح
مو بصل و بشربونها ماي :@
حيالله
سوبر مان ... p;
******************
توصل بالسلامة اخوي ..
وبالنسبة للموقف اللي انحطيت فيه ما تنلام ولو تفهم مني لي باجر "عمك أصمخ" محد بيفهم ولا حد بيطبق مع الأسف :(
دمت بخير
ههههههه ضحكني البوست
اقتباس
((ممكن بعد نسأله " شو هو اليوم؟ او تاريخ اليوم؟" للتأكد من انه بوعيه و بذاكرته"))
هههههه انا بكامل وعيي لو حد سألني اليوم شو ؟؟ أقعد أفكر نص ساعه عقب ارد ...
عيل اشلون لو كان مغمى علي
***********
اممممم ... و عن الإسعافات الأولية
بناخذ مساق جامعي السمستر الياي
شكله بيكون ممتع ..
********
مشكوور أخووي
ع البوست الممتع :)
تروح وترد لأهلكـ بالسلامة ومعاك الشهادة
إن شاء الله
:)
توووووصل بالسلامه وان شاءالله كل امورك تتسهل
بالسلامه ان شاءالله .. وموفق يا رب :)
ههههههههههه انا بعد ماعرف اسوي ويه معصب .. اعرف بس هذا :<
زين تسوي وعرفت شلون تتصرف عدل بهالموقف .. ما فهمناك غلط لاتحاتي :)
انا ماحب اللي يفتي .. شنو بصل! وبعدين صح اي احد مغمى عليه او صاير له حادث لازم مانحركه كلشششششششش .. ربعنا اهني يشدون حيلهم ويشيلونه ويعفسونه ويبهدلووووونه فوق حالته التعبانه :<
استغفرالله .. باطين جبدي :<
نشوفك على خير .. طمنا :)
توصل بالسلامه ياخوي
^ ^ وعقبال ماترجع بالشهادة
اما عن الموقف هههههه الله لايحطنا في هالموقف
اما عن الاسعافات المصيبه لو مب دارسينهم بقول ماعلمونا بس من الصف الرابع وهم يعلمونا
يمكن فحزة الطيحه تبخرت المعلومات
>.< مايرفع ضغطي غير هالناس من شافوا شي صاير ع طول تولفوا ...لقافه ولا لقافه...وياليت عاد يسوون شي ولا يفزعون
وتسلم ياخوي ع البوست
انا لما اطيح غشيانه
اهم شي يطلعوني من المكان اللي انا فيه
بس يحطوني عالول جير و يدزوني شوي
احس بالهوا و ان المكان تغير
اصحى شوي شوي :)
يعطيك العافيه
مرت بسرعه الأيام لوول
من وصلت لموعد سفرك !
المهم إستانست بشوفة أهلك مثل مااستانسوا
ذكرتني بولد عمي الأصغر عني مع ان مالي تواصل وياه
إستانست برجعته للبلاد !
ربي يوفقكم كلكم يارب !
أما الموقف
أحس دائما تكون تلقائية ماتقدر تسيطر عليها
خاصة لو لك خبرة فيها !
أنا متعودة عن اصابأت فيها دم وحروق وحالات شبه اغماء لول !
ولامرة كان في رجل قدامي احتاج بس أحس بسوي شيء حتى لو بالكلام !
خاصة مأاملك خبرة بهالشئ مجرد مواقف!
موقفك حده مشرف ^_^
نفتخر بوجود أمثالك من الشباب !
موفق بدرب سفرك وبدراستك يارب
حمستني لدراستي الجديدة وحسيت بشعور التخرج لول
الله يسهل طريقك.
تحيأتي : )
حَافِـيَةُ الَقَدمَيّـنْ ولِبَاسِي المَطـرْ
hehe....nooooo...it is Noor and Mohannad project
:)
by the way...I'm engineer not a doctor
sorry to write in english...still having problem with my laptop
موناليزا
allah yesalmak..
:)...ya...
i meant to do that so that our brothers and sisters in Egypt can understand
no I'm not a doctor...I'm an engineer
and sorry for writing in english
:)
take care
نمووول
ameen
you too...thank you brother....
take care
=====================================
aL-NooR
hehehe
i know you are kidding
but did they understand the right thing to do??
hope so..
thank you sister
===================================
Engineer A
allah ysalmak
let's hope they got the message
thank you for being here
thanks for you all
سمو الأميرهـ ..ツ
allah ysalmak
first aid is really important and fun thing to learn..
if you have chance to do it...don't miss it
:)
thank you sister
===================================
شاي الضحى
allah ysalmk
ameen...you too
jazak allah 5air sister
===================================
Fishah
thanks for teaching me this :<
hehe...
hope they learn, and hope we learn as well
thank you all for being here
صمت البوح
allah ysalmik
thank you for being here...
hope the best for you sister
=====================================
malak
es2al mjareeb, wala tes2al 6abeeb
:)
ask the who tried it and don't ask a doctor
hehehe
thank you for being here
and sorry to replay in english...i don't have other choice right now
===================================
AL Ro0oR
thank you sister for what you said..
allah ysalmik..
and hope your days are all happiness in happiness
jazakom allah 5air all
إرسال تعليق