سوالف ع السريع

بسم الله الرحمن الرحيم

الأجواء غير مناسبة للكتابة..

اولا..كمبيوتري مازال في عداد الميتين أكلينيكيا..

و ثانيا..أجلس ف الصالة لأكتب...و التلفزيون ما يعطيني فرصة للأنسجام..

أستمتعت بأسبوعي الأول و لله الحمد..

مع أنه ما كان فيه شئ مميز..

ينقسم يومي ما بين :

النوم >>> مغلبني..أنام وايد!! تخيلوا...مرتين نمت لمدة 13 ساعة !!

جلوس مع اهلي..

زيارات إجتماعية >> عشا نجاح..عزاء..زيارة من له حق زيارة..

مخططاتي هي:

1- حاليا اقرا كتاب في سيرة الرسول صلى الله عليه و سلم..أنوي أن أنهيه قبل سفري..

عشان أقدر أبدا في قراءة كتاب آخر..

معرض الكتاب راح يبدا قريب..

هل هناك كتب أعجبتكم تنصحونني بقراءتها؟؟ >>> غير الروايات..احاول أخفف منها قدر المستطاع

2- بكره تبدأ دورة إضاءة خاصة للتصوير الضوئي..و إن شاء الله راح اخذها..

مشكلة التصوير الضوئي انه صاير " هواية من لا هواية له " !!

أختي تقولي "لأ..أنت ادخل..و بتبدع و بتتميز عن غيرك"......إن شاء الله!!

ما قلت لأبوي للحين هههههههههههههههههه

لين شاف اختي شاريه كاميرا و لا عدسة بالمبلغ الفلاني...

يقول " يااااااااه...أنتوا الا قاعدين مع هالعكوس..رزق المجانين..ع المخبّل"

J

3- دورة في لغة الاشارة...صراحة..المركز الاجتماعي للصم و البكم "غير" منظم..

صار لي سنة اراكض وراهم عشان اخذها..

و الاستقبال ما يعطوني تاريخ معين..و ماعندهم الا " خل اسمك و رقمك..و راح نتصل لك"

و يتصلون لي قبل الدورة بيوم!!!

طيب يا أخي انا عندي التزامات..لازم ادري قبلها بفترة...

ضيعوا علي دورتين من قبل...عاد هالمره غير

خذت رقم المدير..و قالي لا يهمك...اذا الوقت ما يسمح لك عشان ظروف الاجازة..

بنرتب معاك عشان يكون لك مدرس خاص..

الحمدلله لا أنا و لا احد من اهلي يحتاج هذه اللغة..لكن لسبب أجهله..ودي أتعلمها..

خاصة ان المجهة اللي أنا مبتعث من قبلها..تعطيها لبعض موظفيها..

و ممممممممممممم

التلفزيون قطع حبل افكاري مره ثانية..امي الله يهديها طوّلت عليه..

و ابطال المسلسل يصرخون..

" اسامة مش أخوي!!"

" هذا أخوي.." و يرووح يركض..و يلقى اخوه مذبوح...

يا حرااام...

المهم..

أخليكم الحين...و عتذر ما راح اقدر اقرا اللي كتبته مره ثانية عشان اتأكد

قبل لاسوي له بوست..

لأن اخوي يبي جهازه ضروري..

يا الله..

اترككم في امان الله و رعايته

تحياتي