snowing...AGAIN!!!!

بسم الله الرحمن الرحيم

مبارك على قطر الحيا من كم يوم..(( في بعض المناطق طبعا))

و مبارك علينا ال..مممممم...العواصف الثلجية!!!

بدءا من أمس بالليل..و انتهاءا في الجمعة القادمة..هذا و العلم عند الله..

===

الجامعة تم أغلاقها من بعد الساعة الثانية ظهرا...

و إن شاء الله يسكرونها بكره ..لأن بكره هو الجدول المتعب في اسبوعي :)

=====

لا خاطره في هذا البوست...مجرد صور من جوالي المتواضع..

على طاري الجوال..

صج..." اللي ماله أول..ماله تالي"

لا أي فون...و لا بلاك بيري...كلهم عيال النيدو..

مافي إلا " نوكيــــــــــــــــــــــــــــــــــــــــــــــــــــــــا" و بس..هو الوحيد الصامد في وجه أعداءه..

لا يشيّر..و لا يعقّد...و لا يقفل و مايشتغل نفس اي فوني اللي شريته :( و اللي كان يشتغل مع شريحتي..

لهذا..أعتذر لجوالي النوكيا..لأني كنت ناوي أخليه من أجل غيره..

>>>> مع أن الحين خاطري أجرب ال بي بي..

لكن لن أستسلم للإغراءات..أبدا..>>>>> تهقون أخذ لي واحد..

أعوذ بالله من أبليس..

أبدا..

ما أخون اللي وقف معاي وقت الشدائد..>> و لاّ لا..خل أشوف دبره حق الاي فون أول..

مازلت..و سأظل...أقدّر النوكيا..

==

أخليكم مع الصور..

في الجامعة...طريقي للمواقف..حيث تركن سيارتي تغطيها الثلوج..

في دفء سيارتي...

أرى ما تراه...لذا...أحبّت هي أن تشاركوها الرؤية..

الحمدلله...الله ستر و ما سوينا حادث...أطل من بلكونتي المسكينة..

تكسر خاطري و هي برا ف هالبرد بروحها...

بقايا "شوّاية" استعملناها كم مره لأعداد العشاء...

و رفات "فحم" من السنة الماضية...

و صحن استقبال...لا قيمة له...إلا أني "عيزان" أطلعه و أرميه..

تقبلوا تحياتي...و هالبوست الخفيف :)

دمتم بود

راشد